محتاجالك

 محتاجالك

بقلم سنا البند

انت عارف قد ايه محتاجه ليك
انت عارف قد ايه قلبي شاريك
يبقى ليه البعد ده
يبقى ليه تعند كده
إرحم القلب اللي داب م الشوق إليك
ارحم العين اللي مليانة بدموع
ليه قرارك زي موت ومالوش رجوع
ليا حق في الاختيار
ليه سايبني للدمار
رافضه تنهي حياتي كلمه او قرار
لسه قلبي حبيبي ليك
لسه مختارك شاريك
ليه تبيع وانا روحي فيك
ولا شوقي وحبي ليك..
م النهاردة هان عليك..
حتى قلبك لو بايعني..
أخسر الكون واشتريك...
بس بعد ما خنت عهدي...
عادي هابعد...
وعد مني...
وإنت عارف إني مش برجع في وعدي...
مش هفكر فيك ثواني...
قولتها وبقولها تاني...
مش هعاني..
وِإحسب الأيام ما بينا...
ماهما تبعد أو تعدي...
بس قبل ماتنوي تمشي..
خد تعالى..
لسه عندي ليك رسالة..
إنت خليتني في حالة..
صعبة جدا واستحالة...
في يوم أسامحك..
مش هقولك تاني إرجع ...
مش هقول الله يسامحك...
حاجة واحدة هقولها ليك...
روح يا شيخ الله يجازيك.
سناء البنا