مين يفهم صمتي
مين يفهم صمتي
شعر/سكينة الصولي
مين يفهم صمتى ياناس
داالصمت فيه الإحساس
وإن كان الحب أساس
إللي بيجمع ملايين ٠٠
قولوا لى حبيبي فين
ليه سابنى وغاب من عمرى
بعد ماسلمت له أمرى
لكنه داس على خاطرى
وفات لى دموع العين
قولوا لى حبيبي فين
مفروض يستنى معايا
يمسح دمعى وآسايا٠٠
يبقى فى حياتى مرايا
فيها متبروز قلبين ٠٠٠
إفهم بقى صمتي يازين
أحيانا"الصمت قبول
ممكن تسكت وتنول
زى ماتصمت وتقول
بدل الإجابة إتنين
دا الصمت يبان م العين٠
ليست هناك تعليقات:
إرسال تعليق